HOME | MEIERISLI

1/9

Härzlech Willkomme, Di Bsuech freut üs

A K T U E L L

I üsere Jodlerfamilie hets scho wieder e nöii Ärdebürgerin gäh.

Am 1. März 2024, isch die chlyni Marline Rosalia gebore.

Dr Jodlerklub Meierisli gratuliert üsem Jodlerkamerad Patrick Egli, zäme mit sire Sophia ganz härzlech zu däm fröidige Ereignis!

Mir wünsche dr junge Familie vo Härze viu Freud u Glück!

Häbet sorg zunang!

Am 23. Februar 2024, 03:23Uhr isch e nöie Ärdebürger, dr chly Matteo Louis gebore.

Dr Jodlerklub Meierisli gratuliert üsere Jodlerin u Vizedirigäntin Melina Beer zäme mit ihrem Mättu ganz härzlech zu däm bsundrige Ereignis!

Mir wünsche dr junge Familie vo Härze viu Freud u Glück!

Häbet sorg Zäme!

Am 2. / 3. Februar 2024 het dr Jodlerklub Meierisli, zäme mit dr Theatergruppe Aarebühni Arch wieder es erfolgrichs Konzärt und Theater dörfe dürefüehre. Aune üsne treue Gescht danke mir ganz härzlech für ihres sehr zahlriiche Erschiine!

Die wo's intressiert, chöi hie no üse Film zum 75. Jährige Jubiläum go aluege...

Hättisch nid ou Luscht ?

Mir sueche Versterchig i üsne Reihe!
Du muesch nid chönne jodle. Für bi üs chönne mitzmache längt es normaus Musigghör. Chum doch bitte einisch zu üs cho ineluege. Mir probe im Summer jede Donschtig und im Winter jede Zischtig ab 20:00Uhr im Gmeinszäntrum Arch. Üsi Kontaktadrässe fingsch unge uf dere Site. Es würd üs sehr freue, Di bi üs dörfe z'begrüesse!